品牌商家使用手冊

用 KoLink 推廣你嘅品牌

KoLink 幫你用最低成本搵到創作者幫你推廣。你出預算、創作者出片、觀看數愈多效果愈好。以下會一步步教你點用，睇完就識開你第一個 Campaign。

立即開始

KoLink 點樣幫到你？

KoLink 係一個以 CPM（每千次觀看費用）為基礎嘅創作者行銷平台。你設定預算同 CPM 費率，創作者會自己加入你嘅 Campaign，幫你拍 Instagram Reels 推廣你嘅品牌。

系統會自動追蹤每條片嘅觀看數，根據實際表現從你嘅預算中扣除費用。你只為真實嘅觀看數付費，唔使預先估計效果。

品牌方使用 KoLink 完全零平台費。平台只從創作者端收取 20% 服務費，你嘅預算 100% 進入創作者獎勵池。

建立你嘅第一個 Campaign

1
登入並建立品牌檔案
登入 KoLink 帳戶，第一次登入揆「品牌商家」身份。系統會引導你填寫品牌名稱同基本資料。
📍 首頁右上角「登入」按鈕
2
撳「建立 Campaign」
登入後，喺左邊側欄撳「建立 Campaign」。你會見到一個 7 步嘅建立流程。
📍 側欄 → 建立 Campaign
3
Step 1 — Campaign 基本資料
填寫 Campaign 名稱（必填）、描述（必填），選擇類型（Clipping / UGC / 產品贈送 / 線下活動）同類別（美妝、飲食、科技等）。
📍 建立 Campaign → 第 1 步
4
Step 2 — Campaign 詳情
上傳封面圖片（必填）同填寫品牌名稱（必填）。封面圖片會顯示喺 Discover 頁面，吸引創作者注意。
📍 建立 Campaign → 第 2-3 步
5
Step 3 — 設定預算同 CPM
設定總預算（必填，最低 HK$3,000）同 CPM 費率（必填）。仲要設定最低派發金額（創作者要達到嘅最低收益門檻）同最高派發金額（每位創作者嘅收益上限）。
📍 建立 Campaign → 第 4 步
6
Step 4 — Campaign 設定
選擇平台（必填，目前支援 Instagram）、設定地區（必填）同截止日期（必填）。你可以開啟「需要篩選創作者」，咁創作者要先申請，你批准先可以參與。
📍 建立 Campaign → 第 5 步
7
Step 5 — 內容要求同資源
設定創作者需要遵守嘅要求（例如要露臉、用指定 Hashtag、片長 15-60 秒等）。你仲可以上傳 Brief 或者提供 Google Drive 連結俾創作者參考。
📍 建立 Campaign → 第 6 步
8
Step 6 — 審閱並付款
確認所有設定冇問題，同意服務條款，然後透過 Stripe 安全付款。付款完成後 Campaign 會即時上線，創作者可以開始加入。
📍 建立 Campaign → 第 7 步 → 「發佈 Campaign」

費用說明

品牌平台費零收費 ✓
創作者服務費20%（從創作者收益中扣除）
最低預算HK$3,000
付款方式Stripe（信用卡 / Apple Pay / Google Pay）
你嘅預算 100% 進入創作者獎勵池。平台只從創作者端收取 20% 服務費，品牌方唔使額外付費。簡單嚟講，你俾 $3,000 預算，$3,000 全部都係用嚟俾創作者。

Campaign 上線之後點管理？

Campaign 上線後，你可以喺「Campaign 列表」查看所有 Campaign。撳入任何一個 Campaign 就可以：

1
查看創作者名單
睇邊啲創作者加入咗你嘅 Campaign，佢哋嘅 IG 帳號、提交狀態同觀看數。
📍 Campaign 詳情頁 → 「參與者」分頁
2
審核提交內容
創作者提交咗 Reel 連結之後，你可以睇佢哋嘅片，然後批准或者拒絕。批准後系統先會開始追蹤觀看數。
📍 Campaign 詳情頁 → 「提交」分頁
3
睇數據分析
查看 Campaign 嘅整體表現：總觀看數、已支出預算、創作者數量、每位創作者嘅表現排名。
📍 Campaign 詳情頁 → 「分析」分頁
4
暫停或取消
如果有創作者已經加入，你只可以暫停 Campaign（暫停後仍會顯示喺探索頁面，但唔接受新加入）。如果冇任何創作者加入，你可以取消 Campaign。
📍 Campaign 詳情頁 → 右上角按鈕

CPM 費率點樣設？

CPM 費率直接影響有幾多創作者願意加入你嘅 Campaign。以下係唔同類別嘅建議費率：

美妝 / 時尚HK$15 – $30
飲食 / 旅遊HK$10 – $25
科技 / 遊戲HK$15 – $35
生活 / 教育HK$10 – $20
建議新品牌用較高嘅 CPM 費率開始，吸引更多優質創作者，建立口碑。之後可以根據效果調整。
例如你設 CPM $20，預算 $5,000。即係你最多可以買到 250,000 次觀看（$5,000 ÷ $20 × 1,000）。如果 10 個創作者各自拍到 25,000 次觀看，你嘅預算就會用完。

「需要篩選創作者」係咩？

開啟呢個功能後，創作者唔可以直接加入你嘅 Campaign，要先提交申請。你可以睇佢哋嘅 IG 帳號、粉絲數、過往作品，再決定批准定拒絕。

適合用喺：你想控制邊啲創作者可以代表你嘅品牌、Campaign 預算有限想揀最啱嘅人、或者產品贈送類型嘅 Campaign（因為你要寄嘢俾佢哋）。

唔開啟嘅話，任何創作者都可以直接加入，適合想快速獲得大量內容嘅 Campaign。

常見問題

Q: Campaign 付咗錢之後可唔可以退款？
A: Campaign 一旦付款上線，預算不可退還。所以請喺付款前仔細確認所有設定。
Q: 我可唔可以修改已上線嘅 Campaign？
A: 目前唔支援修改已上線嘅 Campaign 內容。如果需要更改，建議暫停現有 Campaign 再建立新嘅。
Q: 點解冇人加入我嘅 Campaign？
A: 可能原因：CPM 費率太低（建議參考上面嘅建議費率）、Campaign 描述唔夠清晰、或者要求太多。試下提高 CPM 或者簡化要求。
Q: 創作者提交咗但我覺得唔合格，可以點做？
A: 你可以拒絕佢嘅提交。拒絕後該創作者唔會獲得收益，你嘅預算唔會被扣除。
Q: 預算用完之後會點？
A: 預算用完後，Campaign 會自動結束，唔會再接受新嘅提交。已經提交嘅創作者嘅觀看數仍然會繼續追蹤。
Q: 我可以同時開幾個 Campaign？
A: 可以，冇限制。你可以針對唔同產品或者唔同目標群體開設多個 Campaign。
Q: 點樣聯絡創作者？
A: 暫時不支援。

令 Campaign 更成功嘅秘訣

提供清晰嘅 Brief — 創作者愈清楚你想要咩，拍出嚟嘅片質量愈高。最好包括品牌風格、目標受眾、必須出現嘅元素。
設定合理嘅 CPM — 太低冇人加入，太高燒錢太快。參考建議費率，根據你嘅預算同目標調整。
善用「需要篩選創作者」— 如果你嘅品牌形象好重要，開啟呢個功能確保只有合適嘅創作者參與。
及時審核提交 — 創作者等太耐會失去動力，盡量喺 24-48 小時內審核佢哋嘅提交。
提供素材同資源 — Logo、產品圖、Brand Guidelines 等素材可以大幅提升內容質量。

重要規則

Campaign 付款後即時上線，預算不可退還。
請確保 Campaign 描述同要求清晰明確，避免同創作者產生爭議。
有創作者加入後，Campaign 只可以暫停，唔可以取消。
所有付款透過 Stripe 安全處理，我哋唔會儲存你嘅信用卡資料。
有任何問題，可以去「幫助中心」搵我哋。

準備好開始推廣你嘅品牌？

免費建立帳號，立即開設你嘅第一個 Campaign。

立即開始